ДЛ МК го промовираше е-Сметководството во Р.Македонија

На 18.12.2012 во “Музејот на македонската борба во Скопје“, беше одржана конференцијата под наслов “е-Сметководство во Р.Македонија“, а која беше во организација на Даталаб МК и Македонски Телеком.

На конференцијата беше промовирана новата услуга “PANTHEON e-Сметководство“. Целта на новиот продукт кој за прв пат се воведува во Македонија е електронски начин на сметководство, олеснување на работата без користење на хартии и заштеда на компаниските ресурси.

Ова е првиот деловен софтвер во Cloud во Македонија, револуционерен систем преку кој корисниците и сметководствените бироа ќе имаат заеднички пристап до своите податоци од било каде, со што ќе заштедат време и пари.

Со новиот систем кој ќе биде овозможен преку Македонски Телеком од 2013 година, претпријатијата ќе имаат можност за пристап до современи деловни програмски решенија, а сметководителите ќе можат електронски да ги разменуваат податоците и да имаат увид и пристап до сите потребни информации за своите клиенти. “PANTHEON е-Сметководство“ на сметководствените бироа им овозможува развој на деловно советување и финансиски анализи и услуги, заштедува време и нуди полесна размена на податоци. Истовремено со него се добива и поголема прегледност и управување со деловните процеси, а нуди можност и за проширување на бизнисот во странство.

Исто така “PANTHEON е-Сметководство“ овозможува севкупна поддршка за бизнис процесите: од нарачки, фактури и човечки ресурси до сметководство, управување со производство и известување. Наменет е за претпријатија од сите големини и дејности, кои сакаат целокупна поддршка и интеграција во своето деловно работење. Со користење на овој систем, компаниите добиваат: едноставен и брз пристап до податоците, сигурност и безбедни копии, немаат трошоци за купување на сервери и лиценци, а вклучена е и автоматска надградба на софтверот.

Даталаб МК и Македонски Телеком на сите посетители им доделија ваучер за бесплатно користење на решението до крајот на февруари. Ги повикуваме сите добитници на ваучерите да го искористат тест периодот, и да бидат дел од револуцијата во сметководственото работење!

Даталаб МК им се заблагодарува за присуството на сите посетители на конфернецијата. Се гледаме догодина во истото време, во уште поголем број!

Даталаб