Параметри за пресметка на плата - 2021

Внесување на просечни плати

Прво подесување при промена на параметри за пресметка на плата/започнување на нова година е внес на податоци во шифрарник на просечни плати.

Шифарникот на просечни плати се наоѓа во менито Вработени/Плата/Просечна плата.

Во овој шифрарник треба да се внесат податоци за секој месец и тоа податоци за просечната плата, минималната бруто плата,месечниот фонд на часови, денови, највисока основица.

Во колона Месец се става периодот на пресметка како на пример: 2021-01, 2021-02, 2021-03 итн..

• Минималната плата во 2021 година заклучно со март 2021 година изнесува 21.776 денари бруто плата (минимална нето плата изнесува 14.955 денари)
• Најниската основица за пресметка на придонесите за 2021 година изнесува 20.571 денари (50% од 41.141 денари)
• Највисока основица за пресметка на придонесите за 2021 година за примањата од работен однос и за примања на извршен член на одбор на директори, член на управен одбор, односно управител во трговско друштво изнесува 658.256 денари (16 x 41.141)
• Највисока основица за пресметка на придонесите за 2021 година за самовработено лице изнесува 493.692 денари (12 x 41.141)

Во колоната Просечна плата за периоди од 2021 треба да се внесе 41 141.

Во колоната Мин. Бруто плата за периоди од 2021 треба да се внесе вредност 20 571

Во колона месечен фонд на часови се става месечниот фонд на часови кои клиентите ќе можат да си ги видат од МПИН.

Слика  1 МПИН поставки 2021

Во колоната Денови Треба да се внесе број на денови за соодветниот месец. Оваа варијабла подоцна може да се користи како променлива во формула.

Во колоната Највисока основица за период од 2021 треба да се внесе 658 256

Со внес на сите параметри за пресметка на плата 2021, шифрарникот на просечни плати за пресметка на данок за доход треба да ги има овие податоци:

Слика  2 Шифрарник на просечни плати

Промена на даночно ослободување

Промената на годишниот износ за даночно ослободување се прави преку менито Подесувања- Програм – Администратоска конзола.

Во овој дел пристапуваме преку првото мени Подесувања/Параметри на програмот/Кадри/Плати 

Слика  3 Подесување на даночно ослободување 2021

Со дупли клик на полето означено на сликата, ќе ни се отвори шифрарникот на ослободувања. Внесуваме во колоната Датум првиот ден од тековната година (пример 01.01.2021) и во колоната Износ го внесуваме вкупниот износ на даночно ослободување за тековната година.

Автоматски системот ќе ни распредели во последната колона колкаво е ослободувањето на месечно ниво. 

Слика  4 Даночно ослободување 01.01.2021

Оваа година даночното ослободување е 101 256 на годишно ниво, 8 438 месечно ниво.

Слика  5 ујп известување за нови параметри 2021

Промена на даноци за заработувачка

Во Подесувања/Вработени/Плата/Даноци на заработувачка се прави промената за пресметка на персонален данок.

Слика  6 Даноци за заработувачка

Со новите законски промени, пресметката на прогресивен данок е сеуште во мирување.

• Треба да се пресметува само 10% персонален данок

Во шифрарникот на класи за приходи и даноци нема да има промени.

Но, доколку сакате може да си отворите и нов период од 2021-01 каде што повторно ќе го направите истото подесување како и предходната година, со тоа што единствено ќе го промените периодот.

Промена на придонеси во општина

Со новите законски промени НЕМА промена во дел од придонесите.

Со оглед на тоа дека нема промени во придонесите, подесувањата во опшините и во придонесите си остануваат исти како и до сега.

Нов МПИН

За изработка на плата од 2021год. Со нови параметри е потребно да се симне и нов МПИН.

Нов МПИН може да превземете од следниот линк:

http://www.ujp.gov.mk/mk/obrasci/opis/81